返回列表 發帖

水喉漏水

本帖最後由 jamshum 於 2011-4-6 18:32 編輯

早排廁所個水喉漏水,關咗個制都係咁流水出來。 緊係搵人上來睇啦,佢話個水喉芯裡面用得耐溶咗所以漏水,買個水喉芯換咗就 ok。  問下邊度有得買啦,佢話 會所 有得賣,200蚊個。

以我經驗,水喉漏水呢 D 小兒科隨時幾蚊買個膠圈自己換咗就搞掂,  當然先要開個水喉睇下咩事先啦。 (開水喉方法下刪100字) 拆咗出來原來同普通水喉有分別,  D 水喉有個水喉芯係成個的,因為有冷熱水調節功能又方便更換掛,所以肯定都係要換呢個水喉芯, 當然又試下出去買啦,應該會平過會所買。 因為問過話成間屋的水喉都係用呢只水喉芯,估計用咗咁多年都差唔多開始到期喇。 去搵咗好多間五金鋪格價,結果用咗 120蚊(最平) 買咗個返來自己換,點知個芯長咗2mm扭唔埋個水喉。

咁跟住當然去退返個水喉芯啦, 再經過一輪努力, 最後終於搵到個相熟朋友介紹個師父話有我哋爵悅庭的水喉芯賣, 100蚊個 仲有保養。 佢話上門幫手換埋都係收多50蚊友情價。 但係經過連番努力,我已經識自己裝喇,所以50都賺返。

而家裝返個新水喉芯已經無嗮問題, 順便拆個舊芯來研究,原來入面真係有溶解跡象, 漏水真相得以查明。

如果有爵悅庭的朋友有相同情況,可以 pm 我問邊度買個適合的水喉芯。

這個情況是否在其他住戶常出現呢,會不會像冷氣機一樣很多住戶都有事?

TOP

jamshum
我廁所洗手盤個水龍頭出現漏水,想問問你係邊處地方可以買到有關parts & 點拆(已經移除左兩粒羅絲,不過都拎唔到個芯出來)
Thanks!!

TOP

jamshum
我廁所洗手盤個水龍頭出現漏水,想問問你係邊處地方可以買到有關parts & 點拆(已經移除左兩粒羅絲, ...
Ho88 發表於 2011-12-1 09:38


我個廁所洗手盤底圓頂個位都有漏/滲水, 不過見唔係好嚴重, 我搵左個盤仔頂住先!
得閑先自己搞搞佢!

TOP

Macdevil

你講既漏水,有可能係洗手盤同雲石接口位既玻璃膠老化,所以引致D水係雲石面流入下面個櫃。
如果check過係事實,你可以去五金舖買支牙膏形玻璃膠自己整過。P.S 維修之前,記得清理晒舊有玻璃膠先

TOP

回復 5# Ho88

知道!
thanks!

TOP

早排廁所個水喉漏水,關咗個制都係咁流水出來。 緊係搵人上來睇啦,佢話個水喉芯裡面用 ...
jamshum 發表於 2011-4-6 18:28


pm me pls.

TOP

返回列表